可愛小書僮

早排主人要預備考試, 趁週末諗住認真地溫習下, 點知一擺好個陣, 小肥貓就馬上跳上黎八卦, 仲瞓響notes上面添:

其實我都預左佢會咁架啦, 見佢過黎陪我我又唔想即刻趕佢走, 就俾佢瞓左一陣先引佢跳去我背後鞋櫃上面休息! 當晚小肥貓好乖, 一直響後面瞓無搞搞震~

但第二日佢就癡纏得多lu!  

唔知係咪所有貓都一樣? 無論張枱幾大有幾多吉位都好, 小肥貓都要坐正正響我d野上面!
主人非常愛惜書本, 佢成個巨pat得落去更係俾我擋開啦!  

呢張相係擋開之後影架:

本來諗住小肥貓乖乖地響一邊都無所謂, 但佢好快就騷擾到我了:

咁既情況梗係無得留低啦!


被主人遞解出境:

咪睇佢坐得好定咁, 其實佢跳返上黎好幾次, 都被主人趕走.

黃昏啦, 小肥貓又上來了:

乖乖地響一邊就算佢啦~


呵~~~~~~欠~~~~~~~~

好攰啊~

可能小肥貓真係想休息啦, 佢自己行左去梳化瞓:

Zoom近d影返張:



轉左姿勢, 但都係瞓得騎呢:



轉個位繼續美夢, 不過姿勢一樣好無儀態啊:

瞓醒入紙箱玩一陣:

玩完佢又跳上枱陪主人啦~


呢次主人拉左張椅俾小肥貓, 等佢唔使妨礙溫習, 又唔會離得太遠:

主人入房聽CD, 小肥貓又跟住黎, 坐響佢既專屬位置:




表面好似睇緊本書, 其實只係一個眼瞓樣, 雙眼無焦點架:




主人無戴耳機, 小肥貓聽住舒服悅耳既音樂又想瞓覺啦:

不過突然有幾下大聲將小肥貓嚇親, 佢即刻抬頭睇下發生咩事:




眼定定望左好耐呢:

兩日溫習期間有小肥貓既陪伴令我覺得好窩心. 雖然佢響度我確係無咁專心(見我影左咁多相就知), 但成個溫習過程係開心, 幸福的. 而托呢位陪讀小貓既福, 主人今次考試攞到唔錯既成績呢~
 

很久不見

原來已經兩個多月無更新了!

唔知大家有無掛住小肥貓呢? 快d睇下佢既近照丫~


Show張同主人既親密合照先:

主人通常響書房工作, 唔可以經常陪住小肥貓, 有稍長休息時間先會響梳化坐下唞下. 而令主人覺得好甜好窩心既, 係每當主人坐落梳化, 小肥貓就即刻過埋黎痴住主人坐, 無論佢本身響自己床仔瞓緊又好, 又或者身處望唔到梳化既位置(例如廚房, 睡房門口), 都會好快行過黎親近主人. 小肥貓總會時刻留意住主人, 記掛住主人呢~


豪邁奔放睡姿一直係小肥貓最LIKE既:

客人們見佢瞓成咁都覺得好搞笑~ 小肥貓依然係我家最稱職最受歡迎既PR, 地位無可取代! 


睇佢挨住位姐姐幾嗲:

早排天氣仲熱, 小肥貓鍾意瞓廚房工作枱:

新刀架用黎long住頭仔岩岩好:

 

影左一陣小肥貓擰咩面了:

 有次佢企響窗邊左望右望, 唔知係咪發現雀仔或小昆蟲飛過呢?!

 

 

偶爾小肥貓可以同主人瞓:

咁大張床佢都係鍾意挨在主人身邊!
不過佢唔會挨好耐, 一般十多分鐘就會行開, 果時主人就可以起身關燈, 然後調校位置挨住小肥貓瞓!


依舊每星期做一次BICOM治療~
 
舒服到撓住對手仔恰眼瞓:

枕住主人隻手:

小肥貓腎臟已經無事啦, 係間中腸胃弱少少, 治療就視乎情況以腸胃, 食物敏感, 排毒, 增強抵抗力等為主.

順便爆d小肥貓既秘密出黎先, 其實佢唔係次次治療都咁乖架!  治療過程一小時, 好幾次佢臨尾發忟憎要走, 經過多次觀察同試驗之後俾我發現, 如果我同治療師掛住傾計睇相對小肥貓唔夠專注, 小肥貓就會唔高興想走. 相反我唔掂部電話由頭至尾摸住佢呵住佢同佢傾計, 佢就好合作好放鬆!  哈哈~ 小肥貓似唔似被寵壞既小朋友? 受不了被冷落呢!


最後兩張係比較少見既~
搬左把梯出黎準備洗冷氣機隔塵網, 小肥貓又點會放棄八卦既機會?


呢張好似有d驚驚:

呢張就有勇往直前既眼神:

其實小肥貓好叻仔自己爬到上尾二果級架(即係爬左五級), 身手仲幾敏捷添, 可惜主人拍video搞到影唔切相咋!