祝各位既小寶貝們活潑健康,開開心心,無憂無慮!
小肥貓著住件過年衫仔係咪份外醒神呢?
平時我無俾佢著衫架,淨係新年先著黎應下節影張相,今年專登買左件新衫俾佢,size好合身,不過主角就勁唔合作,睇下d拍攝花絮就知!
一著起件衫仔就勁碌想除:
小肥貓好唔鐘意,條尾發得好用力:
除到一邊手啦:
我幫佢著返,佢送個凌厲既眼神俾我:
呢張係唯一一張好樣d既:
影完即刻變樣:
繼續除:
又掂左:
見小肥貓咁唔鍾意又越來越忟憎,我都唔忍心再逼佢了。
除左衫仔之後佢依然餘怒未消,捉住我大大力咬左兩啖呢!
有時見blog友們的貓貓好順攤可以任舞,著乜戴乜都得,都覺得好羡慕。不過養貓之後我學到一樣野,正確d講係養左隻咁有性格既貓之後我學到一樣野,就係要接受,而唔係去改變一個人/動物!我愛小肥貓,佢肯唔肯著衫,聽唔聽我話都好,我都一樣接受佢,一樣咁愛佢!老公講得無錯:我係一個超級無敵貓奴!:p