曾經提過屋企書房係小肥貓既禁地之一:
http://littlefatfatcat.blogspot.hk/2009/05/blog-post_3.html
隨著時間既流逝, 呢個規條一早打破左 lu !
小肥貓鍾意響呢個位陪我用電腦
:
其實個位岩岩好夠咋, 如果佢瞓得"丫乍"d, 就連keyboard都要讓路呢:
好專心咁睇住個"芒"
:
老公唔俾小肥貓坐上枱, 佢唯有做背後的貓貓
:
平時睇小肥貓大大隻, 泊埋老公度顯得好嬌小呢
:
有時小肥貓都會響琴椅上面瞓:
話就話書房解禁, 其實仲未係全面架, 小肥貓要在主人陪同及看管之下先可進入, 否則會搞搞震!
佢好鍾意趁我地唔注意走上呢個位:
佢想搵一支釣貓玩具, 有次我順手放上去俾佢發現左, 之後念念不忘成日搵機會上去摷:
眼仔碌碌又望又聞咁搵得幾認真
:
書房係我一日用得最多既地方, 除左上堂唔俾小肥貓入之外, 其餘時間都希望佢可以陪我, 可惜每次佢一聽到琴聲就即時自動離開, 可能佢已經習慣左琴聲代表主人要工作, 佢冇得留低啦!
小肥貓真係好乖好懂事, 如果佢再識得分我幾時係工作幾時係練琴, 我練琴時佢都會留低陪我就好啦!
呢個要求係咪過份左d呢.......
溫馨小插曲:
小肥貓坐響老公後面陪佢用電腦, 有時會貼得好近, 老公最怕熱, 會話小肥貓: "熱C辣辣你痴到咁埋做乜呀??" 通常我都唔理佢地. 有次發覺老公俾小肥貓挨到出晒汗T-shirt都濕埋, 先知其實係一個願打一個願捱, 問老公熱成咁做乜唔趕小肥貓走, 老公話專心打機唔得閒理佢喎!!
當初你最擔心的事
回覆刪除已經變成父子情了
[版主回覆06/19/2010 22:31:00](Empty)
我虎仔又系好鬼中意陪我用电脑，正确讲法系我系边佢就会出现系边，我写野佢就会系桌上，我睡觉佢就会训系旁边。系标准跟尾猫，哈哈。
回覆刪除[版主回覆06/19/2010 22:33:00]小肥貓都係標準跟尾貓, 連我去廁所都要跟入去, 我成日問佢你唔怕臭架咩!
小肥貓說: 好野....擴大地盤了 !
回覆刪除[版主回覆06/19/2010 22:35:00]擴大d咁多啦, 主要係唔想成日將佢關在房門外呢!
貓可以多Ｄ空間啦！正呢！
回覆刪除[版主回覆06/19/2010 22:36:00]係呀, 不過主要都係唔想成日將佢關響房門外~
有貓咪陪著一齊做野，真係好會醒精，更何況小肥貓咁乖添
回覆刪除[版主回覆06/19/2010 22:38:00]小肥貓真係幾乖, 不過有佢陪我做野老實講我會分心架, 我會成日望佢, 又會摸下佢搞下佢咁
係就好 la.... 貓貓陪你.... 我 samuel 仔仔同小白妹成日都痴住工人 ~_~
回覆刪除[版主回覆07/01/2010 00:55:00]係咪你響屋企既時間唔多?
我屋企得兩個人, 我對小肥貓時間長d, 又識佢在先, 佢自然痴我多d~ 我諗就算唔夠時間陪佢地, 盡量抽d時間同佢地玩一陣, 傾一陣偈都好, 佢地會明你好錫佢地呢~~
其實成間屋都任佢哋行，邊度有禁區丫
回覆刪除[版主回覆07/01/2010 00:57:00]都有架, 關埋房門咪禁區囉, 宜家我家睡房仍然係小肥貓禁區黎架, 只係有時有限度解封咋