除左溫馨照之外, 第二多同小肥貓影既就係瞓覺照, 一來佢大部份時間都係瞓, 我點影都得
, 二來佢瞓緊個樣夠可愛, 睡姿有時仲會古靈精怪, 所以主人百影不厭!
正常貓餅睡姿:
反肚豪邁睡姿
:
燒乳豬睡姿
:
一貓霸兩椅既"丫咋"睡姿:
肚腩唔夠FIRM響中間跌左出黎
:
呢次跌脾同尾:
雙眼半開好似仲未瞓夠咁
:
呢張冇影到個身, 不過睇佢跌左隻腳出黎, 應該都係趴得衰衰既姿勢
:
仲有最犀利既扭紋姿勢, 手腳係扭向相反方向架
:
瞓到牙仔都突晒出黎
:
睇左咁多瞓覺相, 睇返幾張清醒靚仔架啦!
坐焗爐面:
間中跳上雪櫃頂:
個紙箱俾小肥貓玩到爛晒
:
最後一張變身外星貓
:
果次係主人唔小心, 唔記得關左閃光燈先影呢~~
好鍾意睇貓地瞓覺個樣，好可愛喔
回覆刪除[版主回覆01/31/2011 10:03:00]係呀, 我成日都好想響佢瞓覺時錫佢, 不過又怕整醒佢~
love him so much
回覆刪除[版主回覆01/31/2011 10:03:00](Empty)
哈哈，小肥猫的睡姿真系古灵精怪， 好得意可爱，仲有小肥猫个头仔好圆啊。
回覆刪除[版主回覆01/31/2011 10:05:00]小肥貓一歲半先做公公, 可能係咁所以個頭仔長得圓D大D~
不過佢唔只頭圓, 個身都好圓潤呢~
我都係! 通常最多係影到公主瞓覺相 , 可能係滿足自已, 因為見到佢熟睡就會感到恩惠
回覆刪除小肥貓都有好多睡姿喎, 超爆笑
最後個張係大堂影嗎?
[版主回覆01/31/2011 10:07:00]係呀, 睇住貓貓瞓覺, 連自己都覺得平和舒服呢~
最後果張係門口走廊, 小肥貓鍾意陪我一齊送客, 仲會第一個搶先出門口架~
你好呀,,我家貓貓都係懷疑有梨形虫.. 所以上網search就看到你的blog有提到你家貓貓之前都懷疑有這虫虫~ 但我見你寫搵左第2個醫生的second opinion才發現只是腸胃問題而不是虫~ 請問是哪一個獸醫對梨形虫甘有經驗,,,如有需要我都想幫我貓貓轉去睇下~ thanksss...^^
回覆刪除[版主回覆01/31/2011 10:17:00]我係搵勝利動物醫院既Dr. Owen, 果時我都係上討論區睇, 見人地話佢好同埋醫梨形虫醫得掂就去睇佢.
果度電話係27110332, 地址係艷馬道(近亞皆老皆/梭亞道), 你可以打去問下~
希望你貓貓快D好返~
謝謝你回覆喔
回覆刪除其實我貓貓2個月前開始一晚痾幾次水,,,
去睇銅鑼灣動物醫院dr frank就話懷疑有梨形虫~
就驗大便,,,report話無,,,,但醫生話香港化驗所驗唔準確的,,,甘當時佢建議寄去外國化驗,,,但我果時就唔係好知係要呢個程序...
所以再轉睇dr maggie,,,就摸到話貓貓生腫瘤
又照xray又照ultra sound,,,最後仲開埋刀切組織做化驗
最後就話係ibd,,,幾顆淋巴腫大和部分腸壁厚左成倍~
甘宜家食左1個星期類固醇,(maggie話ibd可能要一世食類固醇,,日日食....),,貓貓又瘦曬.......
甘以為食左藥會好轉,,,點知前2日又痾爛cc.....
甘我再上網睇番梨形虫o既資料,,,其實又幾吻合我貓貓情況.....又係反覆,,,便便有d血和黏液,,,又係食極唔肥.....
但maggie又堅持佢唔係梨形虫,,,所以又無叫我取貓c去驗......
所以我宜家比d便便第2個醫生幫我寄出外國驗下.....
因為我想排除曬d可能性,,,,唔想貓貓食冤枉藥,,,因為聽聞類固醇好傷肝的.....
如果真係驗到真係梨形虫,,,我可能就會帶貓貓帶dr owen了,,,
其實之前我有朋友都推介過dr owen比我,,,但因為係佢隻狗狗睇佢,,,,所以我之前就無考慮到,,,就去左睇maggie.....
你家貓貓有無睇過maggie???
有時我都好迷茫,,,網上人人都話maggie好,,,我先帶貓貓去睇佢,,,即使要來回$3xx過海加佢d姑娘態度超惡....我都忍..
但睇左成10次8次之後,,,又唔係覺得佢真係好掂同唔係解釋得好詳細.......可能係我心急吧......我都唔知......
[版主回覆02/05/2011 17:52:00]聽你咁講都好心痛, 貓貓受左咁多苦, 又要食類固醇, 好慘呀!
咁即係話宜家仲未證實到係咩病? 佢除左肚瀉便便有血之外, 精神及胃口等有冇問題? 肚瀉有冇試過俾蒸雞柳貓貓食? 蒸雞柳止貓肚瀉好有效, 係blog友教我架, 有d貓貓天生腸胃敏感或者都會易d肚瀉, 有blog友俾貓貓轉食for腸胃敏感的貓糧, d便便會硬返d, 成形d.
不過我意見最好都係帶貓貓睇多個醫生攞2nd opinion, 就算有冇梨形虫都好! (況且你睇左10次8次都未好!!) 要搵出原因, 唔好要貓貓受苦呀.
我冇睇過dr. maggie, 太遠啦, dr. owen 唔惡架, 佢比較cool, 不過有野問佢都會解釋清楚既, 診所謢士亦都好nice, 睇完之後dr. owen出左房, 姑娘見小肥貓耳仔有d污糟, 仲教我地點樣幫佢洗耳. 另一次睇dr. owen, 個男護士見我同老公新手養貓, 主動拎左d介紹貓貓疾病及疫苗既單張俾我地睇, 我覺得佢地好好人添!
反肚想引你搓肥腩
回覆刪除[版主回覆02/06/2011 00:10:00]哈哈~ 我一見佢反肚實忍唔住搓佢肚腩, 但小肥貓唔鍾意, 摸多兩下會反抗架啦!
小肥貓好搞笑呀, 佢用兩張椅瞓, 佢又唔怕掉落地喎...貓係咪成日跳高架 ? 我見d人嘅貓, 跳上門頂, 大誇張啦, 食物藥物都要小心放喎....
回覆刪除[版主回覆02/06/2011 00:15:00]佢真係瞓得騎呢又樣衰架, 不過幾得意, 嘻嘻!
貓係鍾意高既地方, 鍾意居高臨下, 我屋企冇咩高位俾小肥貓跳, 不過你講得岩, 食物藥物都要收好唔可以俾佢掂到, 不過有時佢會連膠樽, 盒裝紙巾都玩, 膠紙座都玩到跌落地, 唯有見招拆招咋!
我与小虎在此祝福你、猫婆婆与家中猫猫生活安康、万事如意、心想事成。恭喜恭喜。
回覆刪除[版主回覆02/06/2011 00:17:00]多謝小虎 & 小虎媽媽~
我地一家亦祝你地新年進步, 身體健康, 事事順利, 貓人精神~~
祝你們一家身體健康，心想事成！
回覆刪除[版主回覆02/06/2011 00:18:00]Thanks~
亦祝你地一家新年進步, 身體健康, 事事順利, 貓人精神~~
小肥貓....你好得意喎..我都係第一次見到貓仔咁樣扒响度瞓 ...真係"經典"
回覆刪除[版主回覆03/05/2011 00:20:00]小肥貓好多時都瞓得好冇儀態, 好騎呢架~
小肥貓嘅燒乳豬睡姿好可愛
回覆刪除[版主回覆03/05/2011 00:20:00]都唔知點解佢會咁樣瞓......
回覆刪除尼個表情好正
[版主回覆06/15/2011 21:55:00]係半夢半醒, 目光散渙既表情呀~