梳化超等座

小肥貓好多時鍾意響梳化攤唞或者挨住主人坐, 不過當我同老公同時坐梳化, 小肥貓可能嫌迫卻甚少加入. 試過好多次小肥貓響梳化我同老公坐埋過去, 佢更加會毫不留情即走添!

而自從小肥貓愛上坐梳化背呢個超等座之後, 就不但唔會避開我地, 仲會主動加入添~


先post幾張小肥貓坐超等座既相~

望住鏡頭一本正經:

側面一樣咁靚仔:

縮埋晒手手腳腳, 好似條大毛蟲咁:

呢個角度睇到小肥貓個傻瓜樣:

跌左隻手出黎:

坐得多超等, 小肥貓有時都轉下坐普通等, 同我地迫埋一齊:



呢張睇到其實佢瞓左響老公大腿下面:


本來佢係打貓餅架, 瞓瞓下就霸埋老公果邊啦!

呢張會唔會有d糾纏不清既感覺呢?

小肥貓坐超等座, 同佢影合照亦方便左:

可惜佢唔鍾意影相, 影親表情都麻麻, 所以到今時今日我都未同佢影到一張滿意既合照呢!



溫馨小插曲:

老公從來唔肯表態係咪鍾意小肥貓, 問親佢一係答到無黎正經一係就答左等如無答! 但係透過一d細微既事, 卻唔難令我估到答案~

就好似當小肥貓縮起晒手手腳腳坐到好似條大毛蟲既時候, 老公響梳化玩緊iPad, 我影小肥貓時老公亦停玩遊戲拍左幾張, 拍完仲即刻揀左張做wallpaper添!


呢個貓樣就係老公拍架啦, 宜家係佢iPad同我公司電腦既wallpaper:

老公既WhatsApp wallpaper用既都係小肥貓相黎架!

呢張相係我好鍾意既, 雖然拍得唔清又影唔到小肥貓個靚仔樣, 但影到佢地掂住對手, 好溫馨呢 :