BICOM生物共振治療

近排小肥貓接受緊一種治療, 叫BICOM生物共振治療.

小肥貓一向都好健康, 飲食正常, 咁多年來每日便便次數及份量都好穩定. 但早幾個月, 我發覺佢飲多左水, 尿尿亦去多左, 印象中貓貓突然多飲水可能係腎有事, 所以我唔敢怠慢, 諗住盡快帶小肥貓做檢查. 

小肥貓舊主人知道情況亦好關心, BICOM治療就係佢介紹俾我架啦.

呢套治療方法係透過電磁頻率(electromagnatic frequencies)刺激身體自我治療能力, 增強免疫系統, 亦可以治療敏感症. 詳細可以參考呢個網頁:

http://www.waveworks.com.hk

儀器檢測結果發現, 小肥貓心, 肺, 血液循環系統同免疫力都OK, 腎確係有毛病(好彩只屬輕微), 腸胃亦唔太好, 對大部份魚類過敏(三年前我用左幾個月先試到小肥貓唔食得魚, 部機一check就check到), 奶, 芝士, 蛋黃, 穀物都唔岩食.

呢張相係小肥貓第一次做治療時影架:


因為要固定小肥貓坐響治療墊上面(白色果塊), 所以要放佢入籠. 睇相佢好似好定咁, 其實叫到拆天又猛咁撞籠呢!


呢部就係生物共振治療機:



測試敏感既試劑:



第二次治療小肥貓安定左好多, 治療墊放響佢身上都無反抗:



幾次之後唔用籠都得啦, 睇小肥貓個樣幾輕鬆:



一邊治療一邊恰眼瞓:

有時小肥貓坐唔定, 或者想咬軟墊條帶, 我就會搵貓貓公仔擋開佢或者分散佢既注意力:

好relax呀:

枕住我隻手瞓添:



望緊乜野?

原來鏡中有個靚仔呢~

BICOM治療效果好快亦好明顯, 兩次之後小肥貓飲水同尿尿量已經回復返以前既水平!  

治療仲帶俾我一個意想不到既驚喜, 就係小肥貓唔再抗拒我摸佢肚肚. 佢一向都唔鍾意人摸佢肚仔, 趁佢唔覺摸一下OK, 兩下佢會警覺, 第三下就會出手/口架啦! 但做完第一次治療之後, 佢竟然肯俾我摸, 摸好耐甚至掂住接近一個鐘都得添~
 

單手抽水:

雙手齊抽, 咸濕左佢好耐:

小肥貓好鍾意呢個治療呢, 最近一次治療師剛放低部機, 乜都未set佢已經搶先埋位啦:

至於身體檢查詳情, 就留待下回分解啦~~