寫blog期間認識左好多blog友, 雖然大家素未謀面, 但響blog度都會互相關注近況, 又會分享意見及經驗, 感覺好warm好正面。 期間有部份blog友轉場去Facebook, 我有Facebook account但唔係活躍份子。 雖然Facebook同blog都係分享平台, 個人感覺前者有d"監"人睇, 只要add左做friend無論熟唔熟對方想唔想知你近況或見你個貓樣都好, 你一post上去對方就焗住睇到, 而後者通常係有興趣關心你近況先會入黎探你既朋友。對我黎講寫blog比響Facebook更能暢所欲言, 黎探小肥貓既都係養貓或愛貓之人, 我可以毫無保留響度抒發對小肥貓既疼愛。 「貓奴」呢個身份, 響現實生活中都係低調d好! 嘻嘻~
講完自己感想, 又點能夠唔交待下主角小肥貓既近況呢! 佢岩岩先病好咋, 早排抓損左眼角搞到眼仔有d不適, 幾日後突然係咁打噴嚏, 剛食完十日藥。平時響屋企做慣小霸王既佢, 去到診所就變成鵪鶉, 由頭到尾震震震任醫生舞來舞去, 睇見都心痛啊!
響袋度等緊見醫生:
應該係貓生第一次試戴頭罩:
好想整甩頭罩呢:
睇醫生順便驗血做埋body check, 俾醫生剃左忽毛:
驗血報告小肥貓各方面狀況都好好, 我最擔心佢腎有毛病, 結果相關指數好OK無超標, 醫生亦話唔使照x-ray或超聲波啦!
早排執屋一對啞鈴唔知收去邊好順手放左響窗台, 結果就俾小肥貓睇中左, 經常挨住瞓:
出完呢篇blog, 要去舊blog果邊做返back up啦, 有無朋友知道點樣將Yahoo! d舊blog搬過黎?
呵呵沙發...我來坐了~~~
回覆刪除係啊,我都唔喜歡用FB... 感覺好像每次留言都在公告天下....
呢個blogger有一個google+的account,我覺得好似學緊FB咁,是blog+FB
開左google+呢,就識得多D人,多D人知道你個blog,你的社交圈友有動向會一次過睇晒,但係操作又複雜D,我都諗緊係咪繼續用佢... 定係單純咁寫個blog算了。。
肥貓冇野下嘛? 使唔使覆診?
阿夢上次驗血都俾醫生剃了毛...呵呵
佢冇咁乖,四圍走,仲走左上醫生的藥柜.... >"<
小肥貓好返晒啦, 有帶佢去覆診呀, 俾醫生check多次安心d~
刪除阿夢驗血係做例行身體檢查嗎? 佢地咁多毛, 唔剃根本睇唔到條血管呢~
google+我知好似FB咁, 不過未打算加入住, 想整靚個blog先, 同埋要快d去追返blog友們的blog呀!!
:D
呵呵好番晒就好了...錫錫肥貓
刪除阿夢今年沒有去打針,去年絕育前,見佢廋又跌磅,就驗過血,醫生因為懷疑佢有病,後來知無事。係,佢毛多要剃好似肥貓咁樣 :DD
Blog友會追番你呢 : )
你需要的搬blog方法可以參考﹕
回覆刪除http://bubibububu.blogspot.hk/2013/09/yahooblogger-1-blogtrans.html?showComment=1379318505990#c4295377809783142876
或
http://gutgutmama.blogspot.hk/2013/09/blogspot.html
有齊晒方法了..
Thanks~ 等我研究下!!!!
刪除i really love him
回覆刪除i mean it
is he feeling better now?
cat flu?
多謝你一直以來都咁錫小肥貓呀~ 佢宜家無事啦, 一食藥已打少左噴嚏, 食第三日藥就完全止晒啦, 覆左診都無事~
刪除醫生話應該係細菌感染, treatment部機就check到細菌感染, 感冒及支氣管炎, 好似人仔咁, 好彩不嚴重~
FB 係"監"人睇 和無分類, 搵舊post好難, 內容簡單! 禾都較喜歡睇blog
回覆刪除小肥貓仍可愛, 最緊要身體健康!
FB同blog各有特色啦, blog深入d親切d, FB就可以八多d, 哈哈~~
刪除我淨係去到你google+, 搵唔到你個blog既? 我新手未用熟唔知路, 可以俾你blog個address我嗎? :p
刪除my blog address:" http://dingdongtsang.blogspot.hk/", 不過禾多數唔寫, 你可以在禾BLOG加入做會員, 如禾有新POST會在你的閱讀清單顯示
刪除小肥貓豬豬仔....咁論盡R損眼角....重要病豬仔....真係冇陰公....
回覆刪除又好彩身體正常.....冇乜事架啦...除罩未
個罩戴住影左張相就除左啦, 買個罩都係以備不時之需, 我唔識用所以姑娘示範一次, 我就趁機影相! :D
刪除到……
回覆刪除我家細佬都成日打噴嚏
係? 有無睇醫生呀? 宜家無事啦嘛?
刪除貓貓身體有不適主人真係會好擔心好心痛呢!!
佢似鼻敏感
刪除"驗血報告小肥貓各方面狀況都好好" ~ 實在太好了, 如果佢地有病, 真係心痛死貓奴架~
回覆刪除係呀!! 由於舊年腎指數唔太靚, 我都擔心今次會唔會唔過關, 知道結果ok真係好開心~
刪除低調的貓奴,哈哈哈,第一次聽人咁講!
回覆刪除好高興認識你!^~^
Hihi~ 你好~ 歡迎你黎探我地呀!! nice to meet you~~ :D
刪除到!!
回覆刪除多謝你呀吉孖媽, 我遲d會去探你地架!!!
刪除小肥媽,妳唔post條link出o黎,都搵妳唔到,多啲出Blog啦
回覆刪除留意要打驗証碼喎,小肥貓媽去搞搞佢啦
刪除http://gutgutmama.blogspot.hk/2013/09/blogset.html
Hihi~~ 仔仔媽, 我好大頭蝦, 響yahoo 做back up前唔記得post新網址呀, 好彩大部份blog友都黎左blogspot, 應該會搵得到. 我剛剛先完成搬blog呢個超 大工程, 都係多得吉孖媽教路, 遲d會去探大家架啦~~~
刪除