同小肥貓一齊生活左咁耐,為佢影過無數張相,但合照卻好少,更加無乜幾張見得人!一來貓唔似狗鍾意出街,可以帶去唔同地方影相轉下場景,影來影去都係屋企果四幅牆其實幾悶!二來小肥貓真係唔鍾意影相,一見我舉起手機就會擰咩面,引佢擰返過黎又會整個屎面出黎,影獨照已經咁有難度,合照更加具挑戰性!
我同小肥貓既合照多數係自拍,要吼佢好定果時我坐埋佢旁邊先拍到,但受制於手機質素,d相影出黎通常偏暗偏黃好肉酸,影完自己都唔想睇。
唔要自拍唯有請老公幫忙,老公見我同小肥貓成日“依依泣泣”已經眼冤,叫佢影埋相更加萬分不情願,叫得郁佢準備得黎貓都走左!想抱住小肥貓影咩?抱一陣還可以,耐d就會出口,未影得切就要放低佢了。
不過最近我又可以同小肥貓影多d相啦,過年前換左部新手機,影相快左又有連拍功能,可以影多d又揀到多d稍為見得人既相啦~
以下相片係除夕倒數完返屋企影架:
呢張小肥貓個樣仲幾寬容:
呢張有點 cool呢:
好似想吻向主人,其實係扭晒頸掙扎緊:
好似好嗲咁挨落主人膊頭,其實佢手腳都響度撐緊,只係俾主人大力夾住郁唔到:
俾d以前既合照大家睇下:
呢兩張係自拍,顏色同清晰度都唔得:
同一位置及光線,唔用自拍就清楚好多:
呢張係友人黎探訪幫我影架,亦係第一次咁樣抱到小肥貓:
呢張想扶住小肥貓望鏡頭,變成「鍊」到佢好辛苦咁:
呢張似唔似大青蛙夾住隻肥烏龜?
呢張係第一次老公咁主動又咁把握時機影架,當時我好攰響梳化瞓左,小肥貓又係響佢張床仔度瞓,瞓醒佢行出黎裝我又錫我:
小肥貓好少主動錫我,俾我強吻就多,果次開心C我呢~~~~
so sweet
回覆刪除love x 10000000000
^-^
Thanks~~ :D
刪除大青蛙果張攪笑時又好可愛 ^^
回覆刪除哈哈~ 我都覺得果張好搞笑~~
刪除多d post 小肥貓估的相
回覆刪除好呀~~ 我都好希望可以post多d相, 出blog出密d~~
刪除肥貓好屎面噃....哈哈哈....
回覆刪除睇來真係唔鐘意俾人抱住影相
我阿夢都係,唔鐘意人抱....更唔好講要抱住佢自拍 ><
佢唔只唔鐘意俾人抱住影相, 連就咁影佢都難, 一舉起機佢就擰咩面!
刪除呵呵呵呵....小肥貓係大隻豬仔...你點影小肥貓, 我都覺得佢係非常咁可愛...
回覆刪除多謝讚賞啊! 小肥貓真係幾大隻幾肥呢~ :p
刪除最尾嗰張好sweet呢,影合照都咁難,要影一家三口o既相咪仲難
回覆刪除係極難! 我仲未影到有張靚的見得人的全家照!
刪除小肥貓真係可愛~冧暈左了
回覆刪除哈哈~ 我都覺得佢好可愛呢~ :D
刪除