午睡的時候

好耐冇update個blog啦, 暑假係超級唔得閒既日子, 主要係工作忙左同自己報讀左d summer courses, 再加埋d日常事務, 時間排到滿晒, 夜晚唔夠瞓, 日頭又無精神! 呢段期間我一有空檔就會爭取時間休息, 半個鐘又好, 十分鐘都好, 小睡一陣當充下電.

小肥貓好乖, 好多時我休息佢都會過黎陪我, 有時伏響梳化另一邊, 有時響旁邊地上, 有時更會挨住我瞓添.

影呢輯相果次佢跳上黎冇即刻瞓, 而係開始沖涼!

先清潔隻手:

跟住lam大脾(好羡慕佢既軟骨功):

托實隻大脾先:

睇書話貓貓沖涼一般係由頭至尾由上至下有次序咁沖, 小肥貓卻鍾意沖腳先,

細心地清潔腳趾, 又lam又咬搞左好耐:

個樣幾咁認真:

小肥貓突然發覺被人偷拍, 呆左一下(當時呢個pose真係定左一陣, 隻腳凌空舉住):

仲繼唔繼續沖好呢? 諗下先:

都係瞓覺穩陣d:

忙碌既日子中, 對小肥貓既照顧亦自覺疏忽左, 雖然一日三餐唔會少(佢會提我, 俾少d都唔會放過我), 但就甚少陪佢玩. 好唔容易佢等我響屋企忙完, 轉頭我又要出去, 每次關門前望住佢目送我離開個樣, 都會好唔捨得同內疚~

最近工作時間鬆動返d, 可以有多d時間陪佢啦, 不過小睡既習慣我無戒到, 一來瞓多d精神d, 二來有小肥貓陪住小睡, 真係一件好窩心幸福既事呢~~~

舊照片

上月中小肥貓岩岩過左四歲生日, 貓貓四歲等如人既青壯年, 但小肥貓就點睇都仲係成個細路仔咁, 無論性格同神態都係.

不過, 睇返佢一歲半時既舊相, 就發覺其實差別都幾大!

歲半時個樣單純d, 身型細粒d:

身材仲好FIT添:

今時今日樣子老積左, 身型圓碌碌左:

胸肌仲發達左, 係咪好MAN呢:

呢張係我最鍾意既相之一, 果時小肥貓個樣幾BB:

相比之下, 今時今日就有D中年麻甩FEEL, 身型已不復當年, 膊頭粗左, 條頸唔見左(即係肥頭DUP耳?) 下身都橫左:

企起身就唔係好覺, 呢幅個樣又好似細路返少少:

歲月催人, 貓都一樣, 再過兩年小肥貓個樣可能又會變, 不過無論變成點都好, 佢依然係主人心目中最靚仔, 最乖, 最可愛, 最善解人意, 當然仲係最為食既愛貓~

正宗為食貓

玩, 食同瞓係小肥貓貓生三件大事, 其中又以食最重要, 知道有得食, 瞓緊可以彈起身, 去緊廁所都可以彈返出黎!

下面輯相係幾個月前影架啦, 果次係第一次請小肥貓食乳酪, 原來佢勁鍾意呢!

個頭仔"岳"到盡晒望實杯乳酪:

開始有行動:

小肥貓目光一直冇離開過杯乳酪, 好似望少陣美食就會消失咁:

係咁伸個頭埋去要食:

其實佢一早已經企高左, 只係呢張先影得清楚少少:

佢個頭一味向前伸, 隻手搭住我, 全身大部份重量就卸左落我度:

我一邊同小肥貓糾纏一邊拿拿臨食, 食完先俾佢LAM下杯蓋, 睇佢LAM得幾落力:

 

第一次毫無準備, 用手機拍出黎效果唔好, 後來用相機就清楚好多.

小肥貓認得個乳酪杯, 一見到就好緊張咁企高:

我次次都俾佢食先架:

到我食佢又跟埋黎, 仲連個杯外面都唔放過要LAM下:

係咁叫要我俾佢食:

前面攻唔入, 出新招由梳化後面突襲:

繼續變招:

食唔到乳酪竟然咬我隻手:

好無癮地坐響度望住我食(留意佢個鼻彈到少少乳酪呢):

肯乖乖地等, 我食完咪有你份咯:

睇完呢兩輯相, 我相信響為食方面小肥貓認第二, 都冇貓敢認第一啦卦!!