經過個多月既治療, 小肥貓應該已經好返晒啦! 點解用"應該"咁唔肯定? 因為梨形蟲實在難杜, 又易返發, 小肥貓停左藥到宜家近三星期, 便便一直正常, 唔似生蟲時經常有血, 所以睇黎應該無事. 不過梨形蟲令我有D陰影, 我唔敢講小肥貓絕對OK, 家居清潔亦未敢鬆懈落黎!
呢段期間為左觀察佢D便便, 我成日要吼住佢去廁所. 小肥貓既辦事習慣幾有規律架, 通常面向出口, 辦小事縮入D, 辦大事就會企高D, 伸出D, 好似咁樣
:
呢幅相係8月佢初黎時影架, 我好鍾意睇佢去廁所個樣, 咁認真既表情平時真係難得一見! 最搞笑係我裝佢時佢又唔郁得, 好似被人點左穴咁, 只能轉動眼睛好無奈咁望我一眼, 然後回復直視前方既認真樣繼續未完成既工作!
而要睇佢D便便, 就要同佢鬥快, 趁佢轉身既時間偷窺, 否則佢一撥砂就睇唔到架啦.
講開便便話題都要讚下小肥貓, 佢係好乾淨企理既貓貓, 無論大小事辦完佢都會用砂蓋好, 特別宜家我成日洗佢個廁所, 唔想落得多砂浪費, 更加見佢好有意識地用砂蓋住便便. 有時佢撥好離開左廁所, 過一陣可能諗返唔滿意, 又會再返去撥多兩下. 聽過有D貓貓有潔癖, 每去一次廁所(不論大小)就要主人清理一次, 否則死忍都唔肯再光顧, 好彩小肥貓唔係咁咋!
小肥貓辦完大事就輪到我開工啦! 鏟便便係厭惡性工作, 不過我無乜所謂, 貓砂吸晒異味一D都唔覺臭, 加上我太鍾意小肥貓, 連佢D便便我都覺得係得意既, 鏟上黎仲會留心份量, 形狀, 顏色, 有冇血跡等! 老公成日笑我變態呢~~
早排唔知小肥貓係咪俾我裝得多終於唔耐煩, 連續幾日吼我未起身, 或者唔響屋企時辦大事, 搞到我咩都睇唔到. 後來當佢肯俾我睇, 我亦識趣臨尾先行近, 唔似以前咁肆無忌憚觀足全程!
希望佢第日唔會再避, 等我可以繼續觀便, 繼續日日做"驗屎官"啦!
咁咪好囉
回覆刪除個仔咁乖咁企理
[版主回覆12/15/2008 01:28:00]佢真係幾乖既, 不過都有衰野, 我未唱出黎o者!
梨形蟲真係好惡攪啊,大家都要一齊加油呢!唏~唏
回覆刪除[版主回覆12/15/2008 01:29:00]thanks~ 真係好惡搞, 遇過都有陰影!!
唔好裝佢,我屋企貓地,每晚一關燈,就去開大,佢地唔鍾意被人知,
回覆刪除[版主回覆12/15/2008 01:31:00]唔裝唔得, 要驗便便嘛, 只能夠扮唔裝, 令佢唔好咁覺咋!
梨形虫虫真係好煩架 希望小肥貓快快趕走佢地啦
回覆刪除[版主回覆12/15/2008 01:33:00]thanks~ 希望可以杜絕蟲蟲啦, 否則真係唔知點死呀(唔係指小肥貓, 係我會做死咯!)
我都有呢個癮 好鐘意睇佢地去便便個樣
回覆刪除[版主回覆12/15/2008 01:34:00]哈哈~ 我地有相同嗜好呢~ 咁你隻貓貓有咩反應呀?
一個便便, 一個驗驗......好合拍呢 !
回覆刪除[版主回覆12/15/2008 01:36:00]呢d合拍冇乜用喎, 如果我講乜佢聽乜乖乖地唔好曳咁先有用呢~
不好意思, 打攪了, 貓BB找家 http://hk.myblog.yahoo.com/lamsaralam/article?mid=5395
回覆刪除[版主回覆12/15/2008 01:37:00](Empty)
"我好鍾意睇佢去廁所個樣, 咁認真既表情平時真係難得一見! 最搞笑係我裝佢時佢又唔郁得, 好似被人點左穴咁, 只能轉動眼睛好無奈咁望我一眼, 然後回復直視前方既認真樣繼續未完成既工作!"
回覆刪除Exactly agree what you said
[版主回覆12/17/2008 15:27:00] 大家都鐘意裝貓貓便便呢~
依....咩係梨形蟲? 我又唔多知喎 平時杜開虫可唔可以杜麻架?
回覆刪除貓地上廁所個樣好認真架! 我都好鍾意望架!
希望小肥貓快d好返啦!
[版主回覆12/17/2008 15:28:00]Thanks~
梨形蟲係一種寄生蟲, 存在於生水及泥土, 醫生話一般杜蟲藥杜唔到梨形蟲架, 所以一定唔可以俾生水貓貓飲!
um.....我建議喺小肥貓去便便或尿尿時唔好成日都吼住佢...因為佢會覺得冇私隱...一陣搞到佢忍住唔去就唔好啦...
回覆刪除[版主回覆12/25/2008 22:55:00]嘻嘻~ 我無成日裝佢啦, 我都怕佢唔鍾意呢~
回覆刪除[版主回覆12/25/2008 22:55:00]Thanks & Merry Christmas~
聖誕快樂
回覆刪除[版主回覆12/25/2008 22:56:00]Thanks & Merry Christmas~
(Empty)
回覆刪除happy new year
回覆刪除HAPPY NEW YEAR
回覆刪除辦大事時, 個樣好認真呀~
回覆刪除