以前響其他BLOG友到睇到佢地種貓草俾貓貓食, 睇人地種覺得幾容易, 貓貓們又食得開心, 所以自己又買左包試下!
第一次種冇乜概念又冇乜準備, 求其搵左個膠盒下面拮幾個窿就當係花盆, 泥裏面落左大約二三十粒種籽, 不過發到芽既就只有三粒, 最初得一支芽仔破土而出, 隔三四日先見到另外兩支.
一大兩細貓草:
由於細果兩棵貓草發育不良, 最終可以收割俾小肥貓食既就只得一棵!
還好都有一棵, 小肥貓食得好開心
:
三秒唔使就o趙晒, 連我D手指都想o趙埋
:
我對種野, 花草樹木呢D完全冇研究, 今次種到一棵都唔算好失敗(要求好低呢
)~ 希望第二次可以成功D, 種到多D新鮮靚貓草俾小肥貓食啦.
No.11111111111
回覆刪除下次放多D褈子, 等佢出到有反咁上下, 唔洗剪出黎, 成盤上, 咁每日朝早你就俢剪一下, 一路種一路食, 重新鮮呀....
[版主回覆07/24/2011 18:30:00]因為d泥唔多, 我覺得d種籽已經放得好密架啦, 我唔敢放得太逼呀!
成盤上, 令我諗起盤菜, 哈哈, 下次如果種到多d就得, 今次得一棵食得所以我剪左出黎~
我家兩貓都唔食貓草，嘥我心機
回覆刪除[版主回覆07/24/2011 18:31:00]咁都有好處丫, 慳返心機唔使種嘛~
我都有種貓草, 係花墟買種子好平, $6有一大包, 可以種好多好多次, 唔好係寵物店買, 好搵笨架. 我上次試吓用水種 (好似發綠豆芽咁), 都OK喎, 仲好似比泥種乾淨D. 種貓草要keep住D泥/棉花(如果水種)好濕潤, 但就成日惹好多小飛蟲. 我下次種多盆比你呀, 我D貓有時都食唔切.
回覆刪除[版主回覆07/24/2011 18:39:00]我都聽blog友話可以就咁用水種, 不過我見有埋泥咪用泥種囉. 我唔知應該將d泥整濕d定冇咁濕好, d泥又好似唔識吸水咁, 水滲落去都唔平均, 可能令到有d位濕得濟有d位乾得濟都唔定!
睇黎下次用棉花種會好d
我都種過 , 不過嘢咗好多蚊 G 仔返, 即掉 , 不過貓貓真係好鍾意吃 , 小肥貓真係好幸福
回覆刪除[版主回覆08/02/2011 09:55:00]多蚊仔我就唔係好覺, 可能只種得出一棵, 唔夠吸引啦
以前種過一次, 未食晒已經枯晒
回覆刪除[版主回覆08/02/2011 09:58:00]難道牛牛米米唔係咁好貓草嗎?
你俾西芹佢食都得
回覆刪除唔洗種
[版主回覆08/02/2011 10:00:00]西芹都得架? 不過因為老公唔食, 我從來都冇買呢! 曾經俾過西瓜, 翠玉瓜小肥貓食, 佢麻麻地, 貓草就搶住要!
小肥貓咁鐘意食, 其他D疏菜佢又會5會食呢?
回覆刪除