http://littlefatfatcat.blogspot.hk/2010/07/blog-post.html
果時同小肥貓瞓好似偷情咁! 諗返都覺得搞笑~
雖然宜家仍然係老公出門小肥貓先可以入房瞓, 不過已經唔使偷偷摸摸啦! 
今次又公開下佢d床照先!
響床上面搓黎搓去, 一路搓一路咕:
試過一次瞓瞓下跌落床之後, 唔敢瞓咁貼床尾啦
:
小肥貓好醒瞓, 一有少少聲就會起身:
天光啦:
未發現我偷偷影佢:
天光左小肥貓就冇咁定啦, 其實佢想出去, 見主人未起身唯有轉下位繼續等:
有時佢會企響門口, 細細聲叫我開門俾佢:
有次佢冇要求出去, 因為發現有野玩!
係老公條短褲既褲頭帶
:
我阻止佢俾佢咬左啖:
不過小肥貓好乖, 咬人都係做下樣, 牙仔掂到我就會收口~
臨落床都要搓返兩下:
溫馨小插曲:
早幾日打風, 老公見小肥貓好驚於是主動俾佢入房一齊瞓. 小肥貓一支箭咁跳左上床, 瞓左響我同老公中間, 佢一路咕左好耐仲咕得鬼咁大聲, 我同佢講你要乖乖地呀, 表現唔好就冇下次架啦.
果晚小肥貓真係好乖, 瞓得好靜好定, 第二朝我起身佢先細細聲叫左一聲, 老公之後起身亦冇投訴! 不過我暗地裏覺得有d唔對路, 忍唔住問老公小肥貓有冇搞你? 老公先話原來小肥貓咬過佢腳趾三次! 但就唔係好大力囉!
嘻嘻~ 我都估到有野呢! 其實我一早已經發現小肥貓有咬人腳趾既喜好架啦, 瞓覺"come"好就冇事, 我唔記得提老公添~
小肥貓有得同你地一齊瞓, 開心得緊要呀
回覆刪除[版主回覆10/03/2011 23:32:00]係呀, 佢真係好開心, 到第二晚都仲想入房瞓, 不過我地冇俾佢入啦!
我覺得小肥貓同我家天師仔啲行為都幾似，又係只會輕輕力咁咬人，又係會係床度等人起床，都係醒瞓一族，都係鍾意咬人腳趾，不過通常佢都係想叫人起身至會咬人腳趾的
回覆刪除[版主回覆10/03/2011 23:38:00]又真係幾多相似喎, 不過小肥貓會吼人瞓覺先咬人腳趾, 仲會捉住黎"損"添! 至於佢叫人起身既招數, 通常都係用佢肥胖既身軀踩上人身上面搓下搓下囉~
天師仔都係用呢招叫我哋起身，仲會用塊面狂捽人塊面，有時仲會輕輕力咬人塊面，仲唔睬佢咩，佢會咬吓手、腳呀，總知見到人邊度凸出o黎就咬邊度囉
回覆刪除[版主回覆10/06/2011 17:21:00]塊面狂捽人塊面 <--- 我鍾意呀! 小肥貓就唔係咁熱情啦, 最多都係用個鼻撞下我, 我已經好開心~~
你仲未upgrade呀?
回覆刪除我就快同你失散啦.....
[版主回覆10/06/2011 17:24:00]快架啦! 之前一路都不知從何入手, 原來我登記呢個blog時輸入年齡不足13歲(我用小肥貓名登記嘛, 可能我果時輸入係3歲都未定), 所以yahoo blog冇得俾我upgrade, 我send email問yahoo客戶服務先知, 佢地覆會幫我搞!
小肥貓一定好開心可以同你地一齊瞓
回覆刪除[版主回覆10/06/2011 17:26:00]係呀, 佢開心到係咁咕, 我都好開心, 如果我會咕既話, 一定會咕得仲大聲過佢~
小肥貓, 好耐冇見你啦....得意仔....有得瞓床嘞, 不過得一晚...好過冇囉, 小肥貓咕得咁大聲同咁耐, 因為佢開心同覺得舒適...
回覆刪除[版主回覆10/06/2011 17:28:00]有時日頭我都會俾佢入去瞓下既, 但全家一齊瞓過夜就真係好少啦!
小肥貓好乖喎可以同你哋一齊瞓到天光 , 我D貓就唔得喇, 只要我一熄燈佢哋就會離開房, 我試過開住房門瞓, 等佢哋可以自由出入, 咁佢哋到天光約六點就會入房淺踐踏我哋 , 攪醒我哋 . 所以最終我都放棄同佢哋一齊瞓.
回覆刪除[版主回覆11/03/2011 18:11:50]小肥貓果次算定咋, 有時得我同佢瞓, 佢都試過未夠7點就叫我踐踏我, 我唯有開門俾佢出去再瞓過~
同貓貓訓真係一件最開心的事^^
回覆刪除[版主回覆11/03/2011 18:12:41]係呀! 好開心, 又好心甜~~