陪瞓小貓

小肥貓可以話係主人響家中既影子, 我做乜佢都會跟在旁~ 上次寫佢陪我溫習, 今次就講下佢陪我瞓覺啦~ 

(又講瞓?  之前咪出左好多床照呀, 偷情照架囉! )

嘻嘻~ 呢次有D唔同, 係梳化照黎架, 未出過的!!


先黎一張小肥貓響梳化攬住主人瞓既相先丫:

因為下面呢張影得唔靚, 唔想擺佢第一響小肥貓BLOG主頁露面啊!


呢張係去年夏天影架, 有一晚老公D"咕嚕咕嚕"聲太勁, 我頂唔順拎左張毛巾被出廳瞓, 點知剛蓋好被小肥貓就跳上黎響我身上搓下搓下, 之後仲坐響度無走開添.

雖然明知用閃燈對小肥貓眼睛唔好, 都忍唔住影左一張!


而為左回味呢種親密感覺及影多D相出BLOG, 第二日我安排左案件重演~

呢張清好多靚好多啦掛 :



果次小肥貓又係搓完一輪先停低:



搓到頭仔都側埋:


而我亦發現佢之所以上黎陪我瞓, 都係因為有張被俾佢搓~  無蓋被的話佢只會瞓響我腳邊, 又或者上佢專屬既梳化超等座同我對住瞓, 而唔會瞓響我身上架.


傻更更突左少少脷仔出黎:



呢張係主人唔舒服時影架:

當日父親大人到訪, 本來我響睡房瞓緊, 爸爸難得黎一次我唔想冷落佢, 就響梳化瞓住陪爸爸傾計睇電視, 一蓋上毛巾被小肥貓又即時過黎啦!

自此之後每當主人想小休一會, 就算只瞓20分鍾叉下電都好, 都會蓋上被等小肥貓黎陪我一齊小睡~

呢張個貓樣幾精靈:







眼超超! 可能不滿主人影佢呢!







 


攬住小肥貓瞓, 真係好SWEET架!!!!