生病了

最近小肥貓身體狀況麻麻, 四月尾主人出門幾日返黎, 就發現佢有d唔係幾正常! 

首先係飲水同尿尿多左. 主人出門果幾日, 父親大人過黎住照顧小肥貓. 主人返黎見到小肥貓個水兜無乜水, 仲以為係咪父親照顧不周添!  水兜添滿水小肥貓就不停飲, 當時我以為佢渴左好耐, 飲多d補充返好正常, 點知連續幾日都係咁飲水, 尿尿又大篤次數又多, 我擔心佢腎臟又有毛病! 

好唔容易盼到治療日, BICOM機果然check到小肥貓個腎需要治療, 亦幸好有BICOM機既幫助, 四次治療過後, 宜家小肥貓飲水同尿尿量已經回復之前水平.

每次治療小肥貓都好relax架:

鍾意俾主人摸住, 枕住主人隻手:

在鏡中同主人深情對望:

第二樣唔係幾正常係食剩嘢. 小肥貓出名為食, 每次都以極速掃清碗入面既糧, 仲係lam到乾乾淨淨一滴不剩, 連跌出碗外既都要千方百計食到為止. 佢唔係每餐都食剩, 大約兩餐剩一餐清咁, 食剩既份量唔算多, 多數係幾條雞肉絲, 一兩粒乾糧咁, 食得亦比以前慢. 初時我以為係d濕糧唔新鮮佢唔想食(以前試過), 但開新罐罐情況一樣, 換唔同味道及牌子都係咁. 我觀察佢係食左d糧入口但跟手又會吐返出黎, 好似想食但d糧卻唔岩食或者唔鍾意食咁.

由於睇唔出小肥貓有其他不適, 平時佢依舊精靈八卦跟出跟入, 開餐時仍會好雀躍, 所以主人只係繼續觀察.

小肥貓"食碗面反碗底"既證據:

以前如果有糧跌左出黎或者沾左響碗外邊, 佢會頭手並用又撞又撥直至食到晒為止!


上星期有一晚小肥貓突然嘔, 嘔左兩大灘未消化既食物, 因當日有客人餵過小肥貓食貓零食, 我以為佢食左唔舒服嘔完應該無事, 點知第二朝又嘔多次. 我即刻蒸雞柳佢食, 無餵乾糧佢就無再好似之前咁嘔, 但間中仍會嘔一小灘白/黃色泡狀物體.

又到治療日, 呢次BICOM機check到小肥貓胃及十二指腸有不適, 幫佢做左治療, 可惜之後小肥貓無好轉, 隔日開始打噴嚏, 再第二朝左眼更開始流眼水添, 主人即刻帶左佢去睇醫生!

流眼水個樣幾可憐:

醫生診斷小肥貓上呼吸道受感染, 流眼水應該都係同感染有關, 眼球無受傷但有少少紅腫. 醫生幫小肥貓打左支止嘔針, 開左抗生素, 維他命丸, 眼藥水同眼藥膏俾佢.

宜家小肥貓已經差不多好返晒啦, 無再流眼水, 噴嚏亦少左好多~

尋日治療時BICOM機check到小肥貓體內有隻Pseudomonas細菌, 呢隻細菌就係引致佢上呼吸道感染, 眼鼻不適既元兇喇!

再post多d小肥貓既靚相先!

近期小肥貓好鍾意枕住主人隻手瞓, 主人亦好鍾意被佢挨住依賴住既親密溫馨感覺, 所以影影埋埋好多相~

呢張係黑雨果時影架, 之前佢俾雷聲嚇親, 主人陪住佢就定返晒啦:

又係偷情時間:

果晚俾小肥貓枕住我唔捨得郁, 無熄燈就瞓左:

轉多次場景:

呢次俾小肥貓枕到我手都痺埋, 好彩有個咕臣晾下手:

佢轉姿勢, 我就乘機抽返隻手出黎:

呢張係新鮮熱辣今日影架, 小肥貓枕左上主人手臂度添:


其實小肥貓枕主人邊度都無所謂, 只要佢枕得舒服瞓得耐瞓得霖主人就好滿足架啦~~

下星期要帶小肥貓覆診, 希望到時佢好返晒啦!