古靈精怪的睡相

某天晚上, 當主人完成工作, 坐響梳化休息時, 小肥貓亦跳上黎陪主人, 仲挨住主人瞓添~

佢瞓一陣就轉一轉姿勢, pose多多古靈精怪咁, 最初主人諗住影一幅相架咋, 點知影下影下就連blog都出埋!

以下相片依照拍攝次序排列~

一開始小肥貓已經痴到主人實一實:

第一次轉姿勢, 主人乘機摸佢肚仔:

扭返過去伸高手仔:

面壁思過:

留意下對腳仔先! 小肥貓同主人一樣都係撓住腳架, 係咪非常合拍呢:

唔知係咪之前個pose焗得濟, 要擰返頭仔出黎:

手仔伸高d好瞓d嗎?

主人起左身, 小肥貓仲繼續瞓呢:

同場加影: 寫blog情景!

寫呢篇blog既時候, 小肥貓都有陪住主人~

初頭好乖咁坐響後面:

過一陣就忍唔住跳左上書檯啦:

佢響電腦前面左ton右ton行黎行去, 主人唯有請佢離開!

落地之後竟然搵pat pat 得住主人:


當然小肥貓唔係嬲主人啦, 佢唔會咁小氣架, 但就超級冤氣囉, 轉個頭又痴上黎搞搞震了!

冤氣既貓, 主人勁鍾意呢~~~

久違了的紙箱

小肥貓同其他貓貓一樣鍾意玩紙箱, 可惜由於體型關係岩佢坐既箱比較難搵! 早排屋企買左個電蒸爐, 紙箱size就岩岩好啦!

小肥貓一邊坐一邊聞, 聞完箱底就露出呢個表情, 唔知係咪聞到怪味呢:

目送老公入房:

影佢時佢剛想打呵欠, 俾我捕捉到個咁既怪樣:

有無留意個紙箱已經俾小肥貓咬到一岩一忽?

屋企有客人, 爛箱就放埋一邊, 但無阻小肥貓入去坐既興致:

隔離既吸塵機箱都係小肥貓既玩具, 成日玩到移晒位:

掉左電蒸籠箱, 搵到個鞋盒俾小肥貓:

個蓋都好好玩架:

箱入面既小肥貓係咪好可愛呢:



有興趣睇返小肥貓之前玩紙箱既得意野, 可以去呢度:

http://littlefatfatcat.blogspot.hk/2009/10/blog-post_5.html

梳化超等座

小肥貓好多時鍾意響梳化攤唞或者挨住主人坐, 不過當我同老公同時坐梳化, 小肥貓可能嫌迫卻甚少加入. 試過好多次小肥貓響梳化我同老公坐埋過去, 佢更加會毫不留情即走添!

而自從小肥貓愛上坐梳化背呢個超等座之後, 就不但唔會避開我地, 仲會主動加入添~


先post幾張小肥貓坐超等座既相~

望住鏡頭一本正經:

側面一樣咁靚仔:

縮埋晒手手腳腳, 好似條大毛蟲咁:

呢個角度睇到小肥貓個傻瓜樣:

跌左隻手出黎:

坐得多超等, 小肥貓有時都轉下坐普通等, 同我地迫埋一齊:



呢張睇到其實佢瞓左響老公大腿下面:


本來佢係打貓餅架, 瞓瞓下就霸埋老公果邊啦!

呢張會唔會有d糾纏不清既感覺呢?

小肥貓坐超等座, 同佢影合照亦方便左:

可惜佢唔鍾意影相, 影親表情都麻麻, 所以到今時今日我都未同佢影到一張滿意既合照呢!



溫馨小插曲:

老公從來唔肯表態係咪鍾意小肥貓, 問親佢一係答到無黎正經一係就答左等如無答! 但係透過一d細微既事, 卻唔難令我估到答案~

就好似當小肥貓縮起晒手手腳腳坐到好似條大毛蟲既時候, 老公響梳化玩緊iPad, 我影小肥貓時老公亦停玩遊戲拍左幾張, 拍完仲即刻揀左張做wallpaper添!


呢個貓樣就係老公拍架啦, 宜家係佢iPad同我公司電腦既wallpaper:

老公既WhatsApp wallpaper用既都係小肥貓相黎架!

呢張相係我好鍾意既, 雖然拍得唔清又影唔到小肥貓個靚仔樣, 但影到佢地掂住對手, 好溫馨呢 :