書房解禁

好耐冇update個blog啦! 大家放心~~ 小肥貓仲係一樣咁人見人愛車見車載, 只係佢主人早排太忙o者!

曾經提過屋企書房係小肥貓既禁地之一:

http://littlefatfatcat.blogspot.hk/2009/05/blog-post_3.html
隨著時間既流逝, 呢個規條一早打破左 lu !  



小肥貓鍾意響呢個位陪我用電腦:

其實個位岩岩好夠咋, 如果佢瞓得"丫乍"d, 就連keyboard都要讓路呢:

好專心咁睇住個"芒":

老公唔俾小肥貓坐上枱, 佢唯有做背後的貓貓:

平時睇小肥貓大大隻, 泊埋老公度顯得好嬌小呢:

有時小肥貓都會響琴椅上面瞓:

話就話書房解禁, 其實仲未係全面架, 小肥貓要在主人陪同及看管之下先可進入, 否則會搞搞震!



佢好鍾意趁我地唔注意走上呢個位:

佢想搵一支釣貓玩具, 有次我順手放上去俾佢發現左, 之後念念不忘成日搵機會上去摷:

眼仔碌碌又望又聞咁搵得幾認真:

書房係我一日用得最多既地方, 除左上堂唔俾小肥貓入之外, 其餘時間都希望佢可以陪我, 可惜每次佢一聽到琴聲就即時自動離開, 可能佢已經習慣左琴聲代表主人要工作, 佢冇得留低啦!

小肥貓真係好乖好懂事, 如果佢再識得分我幾時係工作幾時係練琴, 我練琴時佢都會留低陪我就好啦!

呢個要求係咪過份左d呢.......



溫馨小插曲:

小肥貓坐響老公後面陪佢用電腦, 有時會貼得好近, 老公最怕熱, 會話小肥貓: "熱C辣辣你痴到咁埋做乜呀??" 通常我都唔理佢地. 有次發覺老公俾小肥貓挨到出晒汗T-shirt都濕埋, 先知其實係一個願打一個願捱, 問老公熱成咁做乜唔趕小肥貓走,  老公話專心打機唔得閒理佢喎!!

復活節假期

岩岩過左既復活節假期, 老公, 我同小肥貓都過得非常充實: 老公要返工, 我趁長假大執屋大清潔, 小肥貓就做左我既好助手啦!

小肥貓性格好嗲好痴人, 加上好奇心重, 係隻超級諸事八卦既跟尾貓, 鍾意跟出跟入"騰"來"騰"去, 不過佢唔會搞搞震架, 只會響適當時候出手幫忙~ 

我準備洗佢個廁所, 入緊D污糟砂落膠袋, 佢即刻過黎幫手:

我冇講錯佢真係有幫"手"架~~

我話唔使佢幫, 佢就坐響旁邊望:

拎廁所入浴室準備洗, 佢又話要幫手喎:

浴室地方淺窄, 我怕小肥貓越幫越忙叫佢出去等~ 我洗完一件拎出廳, 佢即刻幫手看住啦:

成個貓坐入去, 驚人偷佢個廁所咩:

廁所洗完咁乾淨, 小肥貓都話要LAM乾淨D自己先:

換個舒服既姿勢休息:

見小肥貓咁乖, 我可以安心洗埋廁所蓋, 隔砂墊同鏟, 仲吸埋塵拖埋地添!

雖然今次我拖地時小肥貓只負責看廁所, 不過平時佢有幫手架, 佢專趁拖完地未乾時打手印, 話幫手整靚個地板喎~

另一日下午我整理資料, 小肥貓想幫手記低D野, 要拎支筆黎用! 睇佢伸到條頸咁長, 好肉酸呀:

我話唔使佢記啦, 佢仍然好熱心:

同佢講多幾次, 佢唔開心主人唔要佢幫, 無癮地瞓覺啦:

不過小肥貓唔知自己"責"實晒D筆記, 主人唔能夠繼續整理呢!!!



果幾日我執屋, 小肥貓就好似參加OPEN DAY咁, 唔單只有好多新鮮野八, 仲難得可以全屋自由行(我將房門打開晒方便行出行入執野). 而只要小肥貓唔搞破壞, 佢鍾意行邊瞓邊都得, 有時佢會喪跑, 由大門口衝入睡房窗台最篤篤, 再衝返出大門口, 來來回回跑好幾轉, 有時我見佢好似悶悶地就同佢玩一陣, 掉舊廢紙俾佢當波踢, 佢都可以玩得好投入好開心~ 而我做到攰攤抖時, 小肥貓又會過黎挨住我坐或伏響我大脾陪我, 真係好乖好抵錫呢~ 

五日假期眨眼就完, 話執屋間屋卻冇整齊到, 雜物只係移左位, 有D本應收埋好地地既, 俾我摷出黎執得一半, 又想遲D整理好再收起, 結果"見光"既雜物仲多左, 屋企仲亂左添!

新梳化套

早排屋企換左張新梳化套, 之前有兩張舊既, 第一張薄d簡陃d, 小肥貓未黎已經有. 第二張就係佢黎左先買, 添多張可以勤d洗換.

由於梳化本身係橙黃色, 我地揀既梳化套亦偏向橙/啡色系, 結果就同小肥貓既毛色撞到應一應.



呢張係第一張梳化套, 貓同布都係啡色, 影出黎效果唔好(舊相):

因為質地薄, 又容易鈎到線, 用到宜家已經體無完膚! 掉得!



第二張淺色d(舊相):

亦厚身d, 實淨d, 不過又係容易鈎到線(黑色一點點就係剪完線頭既痕跡), 而且夜晚響暖色燈光下顏色就變得較沉, 影相又係唔靚(舊相):

今次新梳化套我地專登揀左隻再淺色d既, 希望小肥貓響上面可以突出d~

係咪好少少?

不過呢隻色就同原本梳化既顏色唔係好夾!

小肥貓當然一於少理, 照樣響上面行黎行去, 搓下搓下:

搓完坐低望下風景, 有時仲會伏響度小睡:

下面幾張係老公見小肥貓瞓得過癮影架, 頂帽響新梳化套上面都比以前突出呢:

瞓瞓下搵隻手仔遮住個頭:

發現被人偷影, 眼超超左一陣:

換左新梳化套之後影相確係清楚左, 屋企感覺亦光猛左, 不過痴左上去既貓毛亦變成非常明顯, 小肥貓響邊個位瞓過, 甚至"R"過痕一望都會知道, 可憐我想懶D都唔得, 成日要清貓毛, 除塵轆都用得快左好幾倍呀!!