龍年的第一篇blog

趁仲係新正頭響度同大家拜個年先, 祝各位新年進步, 身體健康, 心想事成, 青春常駐, 龍馬精神!

祝各位既寶貝身體健康, 精靈活潑, 人見人愛, 豐衣足食, 無憂無慮, 笑口常開~

過時過節係主人既事, 對小肥貓黎講就無乜特別意義, 主人唔會帶佢出門逗利是, 又唔會請佢食豐富大餐, 連餸都無加, 貓糧同罐罐都無添新口味!

最近天氣凍左對小肥貓無乜影響, 佢多數瞓床仔, 但當我同老公坐梳化, 佢有時亦會過埋黎陪我地.


有個特別位係佢先坐到, 人坐唔到:




通常老公坐一邊(留意玻璃倒影), 我坐另一邊, 小肥貓就坐中間:

恰眼瞓:

對手摺埋左:

依稀見到突左小小條脷仔出黎:

收返埋啦:

試過瞓成咁, 都唔知佢點抖氣:

呢張唔係響梳化, 係主人響書房用電腦, 佢挨住主人坐:



小肥貓喜歡同主人形影不離, 主人亦樂於有佢呢塊咁可愛體貼又窩心既"貼身膏藥"呢~~

寒冬正好眠

呢幾日天氣寒冷, 小肥貓唔算好怕凍, 都成日捐入床仔瞓覺. 見佢瞓得咁可愛, 我又忍唔住影佢啦~


先黎個背面遠鏡:



正面照:

小肥貓好醒瞓, 一有少少動靜就醒.


呢兩張瞓得霖D:

有時瞓到遮住對眼:

又試過伸左半個身出黎:



不過小肥貓都唔係淨係瞓乜都唔理既! 佢醒瞓又八卦, 如果我身處佢視線範圍以外既地方, 例如廚房或書房, 佢好快就會跟埋黎睇我做乜. 如果聽到開雪櫃, 廚櫃既聲音, 更加會以為有野食, 慌死執輸咁小跑住過黎添.

有時我響書房用電腦, 佢響床仔瞓瞓下都會入黎陪我~

小肥貓係隻好乖好體貼既貓貓, 不過佢主人我就唔係咁體貼啦, 我經常趁佢響床仔無得走無得避時同佢剪指甲, 洗耳或者擦牙. 而由於佢瞓覺既樣實在太可愛, 我成日忍唔住去騷擾佢, 摸佢, 同佢講野, 強吻佢, 搞佢d手指仔同肉粒咁...... 雖然一邊搞一邊覺得有些少內疚, 但聽到佢發出咕嚕咕嚕既聲音, 我又肆無忌憚了!

久別重逢

不嬲我都唔係勤力寫blog既人, 通常一個月先出得一篇blog, 雖然今次都未夠兩個月, 但入返黎真係有d久別重逢既感覺, 一來剛剛完成左個大project, 忙緊既期間甚至連其他blog友既blog都冇巡過, 二來Yahoo! blog轉左新版面, 仲未係好習慣呢~

唔講咁多無謂嘢啦, 出返主角小肥貓d近照先, 睇下佢有冇肥左或瘦左?

仍然喜歡挨住主人:

鍾意反肚瞓:

為食兼八卦:

周圍咁多位都硬係要挨住主人:

恰緊眼瞓俾主人影相整蠱都唔知:

小肥貓的可愛床照

曾經寫過篇「與貓同眠」:

http://littlefatfatcat.blogspot.hk/2010/07/blog-post.html

果時同小肥貓瞓好似偷情咁! 諗返都覺得搞笑~   雖然宜家仍然係老公出門小肥貓先可以入房瞓, 不過已經唔使偷偷摸摸啦!

今次又公開下佢d床照先!

響床上面搓黎搓去, 一路搓一路咕:

試過一次瞓瞓下跌落床之後, 唔敢瞓咁貼床尾啦:

小肥貓好醒瞓, 一有少少聲就會起身:

天光啦:

未發現我偷偷影佢:

天光左小肥貓就冇咁定啦, 其實佢想出去, 見主人未起身唯有轉下位繼續等:

有時佢會企響門口, 細細聲叫我開門俾佢:

有次佢冇要求出去, 因為發現有野玩!

係老公條短褲既褲頭帶:

我阻止佢俾佢咬左啖:

不過小肥貓好乖, 咬人都係做下樣, 牙仔掂到我就會收口~



臨落床都要搓返兩下:

溫馨小插曲:

早幾日打風, 老公見小肥貓好驚於是主動俾佢入房一齊瞓. 小肥貓一支箭咁跳左上床, 瞓左響我同老公中間, 佢一路咕左好耐仲咕得鬼咁大聲, 我同佢講你要乖乖地呀, 表現唔好就冇下次架啦.

果晚小肥貓真係好乖, 瞓得好靜好定, 第二朝我起身佢先細細聲叫左一聲, 老公之後起身亦冇投訴! 不過我暗地裏覺得有d唔對路, 忍唔住問老公小肥貓有冇搞你? 老公先話原來小肥貓咬過佢腳趾三次! 但就唔係好大力囉!

嘻嘻~ 我都估到有野呢! 其實我一早已經發現小肥貓有咬人腳趾既喜好架啦, 瞓覺"come"好就冇事, 我唔記得提老公添~