小管工

最近屋企部NOW TV解碼器及電視機都相繼出毛病, 要分別約師傅上門維修. 小肥貓又有得玩有得八啦!

先黎既係NOW TV師傳! 呢位師傅竟然係早排年初三黎整電話線果位! 唔知係咪小肥貓都覺得佢面善有親切感, 師傅一放低D野小肥貓就走埋去打招呼啦~

聞下咩黎既先:

講個小秘密俾大家知, 小肥貓係好鍾意聞/咬人腳趾架:

睇師傅帶左D咩"架撐"黎?

明明望得好認真, 見到拉鏈扣就忍唔住要咬:

被主人鬧完閃左去另一邊:

仲扮可憐匿埋響櫃底添:

主人一於行近D監視:

果然無幾耐佢就忍唔住出手啦:

其實呢個時候師傅正在機房做嘢, 出去之前在強烈勸諭下已經將工具同雜物收返入袋, 不過貪玩既小肥貓又點會咁輕易放棄丫~

想咬皮箱底突出黎果隻腳仔, 可惜唔就口咬唔到:

都係帶呀繩呀呢D嘢好咬D:

主人怕小肥貓咬爛師傅個袋, 拿拿聲趕開佢, 點知佢轉個圈就發現新目標:

搬遠D個袋小肥貓都唔放過:

好彩師傅唔係整好耐, 否則我實趕貓趕到氣咳!


兩日之後到整電視機既師傅黎啦! 小肥貓一樣老實不客氣睇實人地做嘢:

睇得幾認真:

行埋師傅腳邊八卦人地D嘢:

仲伸埋個頭入去裝添:

咁無禮貌既舉動梗係俾主人制止啦!
 
馬上企定定扮乖:

小肥貓之後真係無再搞搞震啦! 不過絕對唔係因為佢肯聽主人話, 只係搵唔到有趣好玩既嘢啫!

小肥貓過新年

 

蛇年已經過左半個月有多, 宜家至同大家拜年似乎太遲!  

不過我諗禮多人不怪, 就等小肥貓同主人響度恭祝大家新年進步, 萬事如意, 人貓身體健康, 心想事成, 蛇年行大運啦~~

著左衫仔既小肥貓係咪特別醒神呢?


件衫係幾年前買架啦, 著左一次就無再著, 今次著返已經扣唔埋鈕了~

小肥貓依舊唔like著衫, 但比第一次有進步既係著住唔再硬晒呔, 能夠周圍行周圍跳仲扭來扭去想除甩件衫添!

只不過佢唔硬呔唔企定定, 我就影唔到靚相啦!

呢張還算似樣:

低頭咬緊件衫:



呢個角度睇, 件衫真係超細呀!

新正頭唔少得貼揮春應下節, 八卦既小肥貓又想搞搞震了:



準備定麻雀枱俾親戚, 第一個享用既竟然係小肥貓:


雖然小肥貓對麻雀枱好有興趣, 但對打麻雀發出既聲響卻不能忍受, 明明前一刻仲做緊親善工作, 親戚開枱佢就馬上閃貓!  有兩次麻雀聲靜返少少時小肥貓行返出廳, 點知半路有洗牌聲又雞咁腳匿返入去! 

匿去邊? 答案就係浴缸喇!

咪睇張相佢好似好淒涼咁, 其實個個都輪住入去探佢摸佢同佢傾計架, 仲拎玩具入去同佢玩添. 

果晚浴缸變成小型足球場, 小肥貓響入面玩得不知幾開心, 只可惜地方淺窄影唔到相. 

主人仲發現響浴缸玩波波比響廳玩好, 唔使三兩下就踢左個波入梳化底無得玩!

主人忙左一整日, 小肥貓又玩左好耐, 客人離開之後人貓都要休息下啦~


年初三又係小肥貓開心既一天(兼主人忙碌既一天)~

早上約左師傅維修固網電話線, 小肥貓又有得八卦啦.

下午主人哥哥一家黎拜年, 小肥貓唔使匿埋, 仲玩得好開心添.

以下相片係姪仔send俾我的, 因當日掛住招呼佢地都唔得閒影相呢!









影相時小肥貓已經玩到好攰, 所以俾支釣貓棒騷擾住都無咁好氣!


小肥貓: 「我靚仔嗎?」