買新機主要都係因為小肥貓! 相信有養貓既朋友都一定知道, 貓貓甩毛非常厲害, 行過會甩幾"執", 抱下又會甩到你成件衫都係毛. 但對我黎講毛都係其次, 砂先係嚴重問題! 小肥貓去完廁所會將d砂帶到周圍都係, 屋企經常有人出入, 唔能夠讓人一入黎就踩到成腳砂, 而且d砂唔立即清理, 被踩到更會刮花木地板. 小肥貓黎左兩個月唔夠, 屋企地板已經傷痕累累, 唔少傷痕好明顯係砂粒造成!
本來我用手提式吸塵機對付貓砂, 用乾電夠方便吸力亦OK, 缺憾係吸咀細, 用時要踎響度將吸咀貼住地板逐寸逐寸吸, 睇漏眼就吸唔乾淨, 而且咁吸法一日五六次真係幾辛苦, 唔係踎到腳軟, 就係跪到膝頭哥瘀!
除左手提式屋企仲有部OSIM水瀘吸塵機, 但部機又大又重, 用時要裝要拆又係極麻煩! 原本我地諗住買部直立式吸塵機架, 之前響親戚屋企見過, 親戚舊年買300蚊左右. 點知果日我地搵唔到, 可能舊款冇再出, 貴d千幾二千蚊一部既就有, 梗係唔考慮啦! 好彩後尾我地睇到呢款, SIZE的式, 最岩係可以駁長再加個吸地板既頭, 裝拆, 清潔都非常簡易, 價錢亦唔算貴, 500蚊有找!
宜家用呢部機吸砂真係方便快捷好多, 不過小肥貓就慘d啦, 一聽到咁勁既吸塵機聲就嚇到走夾唔抖, 我有時整估佢, 佢匿去邊我又專登吸去邊, 迫到佢跳上窗台避!
睇下佢嚇到縮埋一舊! 哈哈!
瞄瞄+B頭最驚吸塵機怪獸
回覆刪除一開機即刻去咗棉胎匿埋
[版主回覆09/23/2008 22:19:00]睇怕冇乜貓對住部work緊既吸塵機可以保持鎮定呢
原來貓同狗一樣咁怕吸塵機...有無唸過買部一餅嘢自己會"行" 的吸塵機呀, 好似約2000部...不過就唔知得唔得, 我都係用philips, 不過係傳統那隻, philips係幾好吸力架...
回覆刪除[版主回覆09/23/2008 22:22:00]冇呀, 一來貴, 二來我唔想佢漫無目的咁"行", 我要佢見到有野先吸
我而家無用吸塵機 , 用左"化妝綿"地拖, 可以吸起D塵同頭髮, 唔錯架
回覆刪除[版主回覆09/23/2008 22:23:00]係咪即係紙拖把? 我都有用, 拖頭髮同塵非常好, 砂就唔得啦!
回覆刪除我用開呢隻不錯 , 只有小小木碎帶出盆盆 .
[版主回覆09/23/2008 22:26:00]我用Ever Clean(藍色盒), 我唔敢轉砂, Ever Clean包便便包得好好, 又冇異味, 而且我怕轉砂貓貓唔習慣會唔肯去廁所呀
你用邊種砂同廁所呀？改用有蓋的會好好多！
回覆刪除[版主回覆09/23/2008 22:28:00]係有蓋架, 不過有砂癡住貓腳, 一行就會帶埋出黎, 有時多d, 有時少d, 總會有!
我用Ever Clean貓砂~
細佬鐘意坐在吸塵機後面嘆熱風
回覆刪除[版主回覆09/23/2008 22:54:00]咁特別? 你試下調轉機頭吸佢, 睇佢下次仲嘆唔嘆!
唔係紙個隻呀, 係粉紅色, 叫 化妝棉地拖
回覆刪除[版主回覆09/27/2008 20:57:00]未聽過添~ 第日我留意下~
我家的猫猫一聽到吸塵機聲或風筒聲就走都走唔切。
回覆刪除[版主回覆09/27/2008 20:58:00]多數貓貓都係咁~
我家不敢用吸塵機
回覆刪除驚嚇親皇子添.
唯有用紙拖把 !
[版主回覆10/12/2008 20:25:00]你好尊敬皇子呀~ 我家果隻平民成日俾我蝦!!
我遲D都想買果部吸塵機械人,自動又無咩聲,真係好鬼正!
回覆刪除