前幾日帶小肥貓去睇醫生, 驗到佢有寄生蟲, 醫生開左藥丸同藥水俾佢. 我學醫生將藥丸放入佢口, 俾佢掙扎時抓損, 於是將藥丸整碎, 連藥水混落d糧到俾佢!
尋晚泡製左第一餐加料餐, 平時五分鐘唔使就食得晒既份量, 小肥貓由頭至尾食左三個鐘! 今朝第二餐更加食到黃昏都仲有剩! 佢根本唔肯食, 聞下碟糧就走開, 我逐粒餵佢佢肯慢慢食少少, 唔餵就一d都唔食!
到黃昏我見仲有咁多(剩三份二), 餵佢又唔肯食, 我同佢講"你再唔食我食晒佢架啦", 然後將碟糧放響咀前扮食, 佢即刻好緊張咁行埋黎, 我放低碟糧俾佢, 佢竟然乖乖咁自己食呀! 好搞笑~~
佢食得好慢, 食幾啖停落黎我又扮同佢爭, 佢又肯再食d! 到後尾佢點都唔再食, 我見唔算剩好多(剩六份一左右), d糧又實在放得太耐, 就冇再氹佢食啦!其實如果唔係驗到佢便便有寄生蟲, 佢一d都唔似有病, 食得玩得又訓得. 平時佢最大愛好就係食, d藥令佢連最大愛好都放棄, 食既時候仲係食下吐下, 睇到真係幾心痛!
.jpg)
我唔想小肥貓黎緊六日(醫生開左七日藥)都咁慘, 原本諗住今晚等老公返就一齊同佢"拼命", 夾硬餵藥落佢咀入面, 亦已做好損手爛腳既準備! 點知老公提醒我: 小肥貓鍾意飲奶, 不如試下將d藥放入奶, 分幾次俾佢飲等冇咁大陣藥味啦!
點知老公提醒我: 小肥貓鍾意飲奶, 不如試下將d藥放入奶, 分幾次俾佢飲等冇咁大陣藥味啦!
呢招果然使得! 兩次加料奶佢好快飲晒, 餵多次加料罐罐都食埋, 照咁做多兩次應該可以餵埋今日藥既份量啦!
見到佢肯食我都開心d, 因為佢今日個樣真係乜晒心機, 成日伏響窗台/櫃低郁都唔郁, 平時好鍾意講野今日都唔多出聲, 望住滿滿一碟糧卻食唔落時個樣不知幾可憐呀!
.jpg)
好彩馬莎任我武啫
回覆刪除[版主回覆09/28/2008 23:32:00]咁馬莎真係好乖喎~ 食藥唔係隻隻貓貓狗狗都咁順攤呢~
有時真係要呃呃騙騙先得
回覆刪除[版主回覆09/28/2008 23:33:00]冇錯~ 仲要無所不用其極!!
你將藥丸從咀側邊塞入去
回覆刪除然後合埋佢個咀迫佢吞
再用針筒唧幾筒水等藥落胃
將藥撈入食物哂氣
d貓頭好醒架
[版主回覆09/28/2008 23:34:00]我今日都塞藥丸入佢咀, 藥水就keep住放入罐罐, 佢肯食啦~
同意 1128 講o既方法，我都係覺得餵藥要粗暴D，放咗入個口度就合埋佢個口迫佢吞就最最有效﹐當然最好有兩個人一齊對付就好好多，其中一個攬住佢可以防止佢過份掙扎抓傷自己。
回覆刪除[版主回覆09/28/2008 23:36:00]我今日有塞藥丸入佢咀, 真係要粗暴同埋夠忍心先得!
我家D貓貓都系用暴力餵貓地食藥， 不過 Lee個真系最快最有效o既方法。 為了另貓地好過D，我地會用淡牛油包住粒藥， 系咁推入去貓地喉嚨到囉 ~~
回覆刪除[版主回覆10/03/2008 15:19:00]我冇搵淡牛油包粒藥, 我用麵包包少少藥粉佢都唔食!
餵藥是最麻煩, 乖就容易處理, 否則真係要諗好多辦法, 因每隻貓的脾性都唔同
回覆刪除[版主回覆10/03/2008 15:21:00]真係試左好多方法, 暫時都未搵到一個方便又有效的!
"你再唔食, 我食哂佢架啦" <-- 呢句我地成日都同 patpat講, 跟住就十分之緊張咁"爭飯碗"
回覆刪除餵藥, 真係千方百計架, 都好, 搵到個雙嬴的方法
[版主回覆10/03/2008 15:22:00] 唔係雙贏呀! 好戲在後頭咋!!
如果貓貓唔肯食藥都幾頭痛架, 搵到好方法就掂晒啦 希望佢早日好番
回覆刪除[版主回覆10/03/2008 15:23:00] 多謝~
餵貓貓食藥真係好辛苦呀!!
好D未呀?
回覆刪除[版主回覆10/11/2008 01:07:00]冇事啦, 係我未得閒寫blog咋~~
我都不懂餵架 !
回覆刪除添仔年年食吐虫藥, 要醫生搞 ! 哈哈
[版主回覆10/12/2008 20:21:00]醫生搞就最好, 可惜我唔可以日日帶佢去俾醫生餵呢!
可以滴頸嗎?阿旺杜蟲藥是用藥水滴在後頸的。不用跟貓貓拼命。
回覆刪除佢個樣好冇心機呢!佢有冇定期杜蟲啊?
回覆刪除