佢搬黎除左頭一晚粒聲唔出之外, 第二晚已經開始叫, 果晚佢訓房窗台, 半夜三點幾突然不停大叫, 我同老公以為佢想出廳, 但房門根本冇關, 出到廳都繼續叫! 我地又諗佢會唔會肚餓呢, 即刻開餐俾佢, 點知食完都仲係叫, 搞到我地成晚無覺好訓!
幸好第二日咁岩有「風假」俾我地休息.小肥貓訓窗台:
.jpg)
之後幾晚小肥貓例牌半夜大叫, 我地怕嘈到鄰居連窗都唔敢開, 訓著又俾佢d叫聲嚇到扎醒, 一晚三幾次! 
睡眠不足嚴重影響日間工作狀態, 我地只好狠心夜晚留佢一個響廳, 關上走廊門及房門先冇咁應聲咋.果排我地對住小肥貓講得最多既, 就係問佢做乜成日半夜叫, 次次老公問完仲會加句: 「再叫我劏左你!!!」
佢叫時你呵下佢攬下佢啦
回覆刪除唔好鬧呀
1個月遮
可能以前佢生活嘅地方
半夜有慣常活動呢
[版主回覆09/04/2008 21:47:00]哈哈, 我寫blog寫得慢, 講緊既事係頭幾日咋~
我地冇鬧佢, 知道佢未適應, 唔係有意, 又點會鬧佢呢!
maybe 小肥貓以前無皇管，成日 mid-night 系到叫 (壞習慣) ! or, 貓系到搵緊同伴 (maybe 前主人同養左好多貓) !! or, 小肥貓本身有女朋友，貓想搵女朋友仔 !! 第一個 case, 只有一個方法，就系要比貓知唔可以半夜叫。 so, 好似小白妹咁，打貓一獲金 <--- 我細佬打o既。
回覆刪除if 系物 2、3個 case, 只要問以前養主囉d有其他貓貓氣未o既野， 等小肥貓安心d，then 漸漸減其他貓未。 用主人未代替，咁就無事架 la !!
最好o既方法系同小肥貓玩癲佢，一定要玩到好tired。 咁夜晚就會乘乖地去 sleep la~
[版主回覆09/04/2008 21:49:00]多謝你既意見呀! 佢應該係唔習慣, 又覺得悶, 我都有多d同佢玩等佢攰d訓得好d~
呵呵！小肥貓玩你哋呀！哈哈！（我個女唔多出聲，聞到雞雞除外！）
回覆刪除[版主回覆09/04/2008 21:50:00]佢應該係唔習慣, 覺得悶~
可能他以前常有貓同伴 , 現在得返他一隻 , 實在有D掛啫 !
回覆刪除[版主回覆09/04/2008 21:51:00]係呀~ 佢以前住果度有好幾隻貓貓一齊架, 宜家就得佢一個!
我屋企個肥b...晚晚都叫架.... -________________-"
回覆刪除[版主回覆09/06/2008 20:36:00]咁知唔知佢點解叫呀?
貓是搵伴,
回覆刪除夜晚有時我係呀囡房瞓,有時係自己房瞓,
一關燈,小吉看不見我去了哪裹,就會大叫,直到我應佢
[版主回覆09/06/2008 20:37:00]小吉好嗲你喎~
我想佢係未習慣生活及環境的轉變, 午夜夢迴, 醒來覺得什麼都跟以前不同. 如果佢以前有貓咪相伴, 依家更家未適應一個'人'.
回覆刪除[版主回覆09/06/2008 20:38:00]果時黎左只係幾日, 冇咁快適應
我家忌廉賓都成日講野!
回覆刪除[版主回覆09/06/2008 20:39:00]佢同小肥貓見到面唔知會唔會好好傾呢?
真係同病相憐,我都好慘,我隻喵喵最近呢個星期成日都半夜叫,我都驚嘈到鄰居呀...嘈到老公訓覺,到時影響工作咁就唔好啦! 真係唔知點算好?其實你有無想過同隻貓一齊訓??
回覆刪除[版主回覆09/06/2008 20:41:00]我有俾佢入房訓, 不過佢唔係訓, 係行黎行去跳上跳落, 訓訓下半夜又會叫!
以前米米未黎時, 牛牛叫我地以為佢悶, 而家有米米佢都叫 其實佢可能係同你地講野, 你地盡量估下佢想點 耐左我地有時都估到牛牛叫係想點, 有時想傾計, 有時想加水, 加糧, 清砂盤, 想入房, 想搵米米 etc.... 如果佢想傾計我就會不停咁答佢, 講到佢夠為至
回覆刪除[版主回覆09/09/2008 23:13:00]我宜家都開始有d估到小肥貓叫乜, 有時會行去摸下佢同佢講下野, 有時佢仲叫我就會同佢鬥叫, 好似唱山歌咁
如果係小狗初回家... 佢會驚陌生環境... 需要困籠, 仲要加毛巾包住個籠, 畀安全感佢...但喵喵就唔曉佢想點
回覆刪除[版主回覆09/09/2008 23:15:00]貓貓驚既時候反而會匿埋叫都唔叫, 叫親多數都係有表示有要求, 不過係我地唔明咯~