無獎競猜遊戲

肥貓禁地睇左好多篇啦, 今次有野俾大家估下!

話說有一次我買左個麥當勞魚柳包餐返屋企, 呢幅相係開完餐影既:

大家估下我開緊餐時, 小肥貓有咩反應?

1.      毫無反應

小肥貓係一隻好乖好懂性既貓貓, 一心只係陪住主人, 唔理主人食野定做野, 佢都只會靜靜咁坐響旁邊守護住, 但就唔會騷擾主人.

2.      聽教聽話

小肥貓好奇地聞魚柳同薯條, 主人話佢知佢唔食得, 輕輕推開佢. 雖然佢好唔情願, 但都即刻乖乖地坐埋一邊, 唔再騷擾主人.

3.      嗲功得逞

小肥貓聞到香噴噴既魚柳同薯條, 要主人請埋佢, 主人最初唔肯, 但抵受唔住佢又嗲又可憐既叫聲, 俾左少少佢食, 食完佢就好滿足咁坐埋一邊.

4.      飛禽大咬

小肥貓聞到香噴噴既魚柳同薯條, 哄過去搶住食, 主人推開佢都仍然猛中個頭埋去, 最後佢明白鬥唔過主人, 只好死死地氣坐埋一邊.

以上四種情況, 唔知大家估邊種呢?

答案下個BLOG揭曉~~